Өфөлә 20-cе декабргә тиклем Яңы йыл шыршылары эргәһендә боҙ ҡаласыҡтары барлыҡҡа киләсәк.

Ниндәй сәйер күренеш һуң ул, тип аптырайһығыҙмы? Улайһа, Мәжит Ғафури исемендәге Башҡорт дәүләт академия драма театрына барып ҡарағыҙ, үҙ күҙегеҙ менән күрерһегеҙ: Мостай Кәримдең “Ай тотолған төндә” трагедияһы буйынса театрҙың баш режиссеры Айрат Абушахманов ҡуйған спектакль бара унда.

Өфөлә Заһир Исмәғилевтың тыуыуына 95 йыл тулыу айҡанлы асылған халыҡ-ара музыканттар конкурсына йомғаҡ яһалды.

Ҡырғыҙ-Миәкә ауылының үҙәк район китапханаһында Башҡортостанда Милләт-ара татыулыҡты нығытыу йылына арналған «Дуҫлыҡ йондоҙлоғо» ижади кисәһе үтте.

2012 йылдың тәүге яртыһында Мәскәүҙә Башҡортостан Республикаһы көндәре үтәсәк.

Республиканың Милли музейы «Бүләк биреү көндәре» акцияһын үткәрә.

Мәскәүҙең Дәүләт Кремль һарайында «Мин – Башҡортостандан» исемле концерт үтте. Был әһәмиәтле мәҙәни сарала БР Президенты Рөстәм Хәмитов та ҡатнашты.

Бөгөн Өфөлә бөтә донъяға билдәле рус яҙыусыһы Сергей Довлатов йәшәгән йортҡа иҫтәлекле таҡтаташ ҡуйыласаҡ.

Бөгөн Өфөлә төрки телле шиғриәт әҫәрҙәрен тәржемә итеүселәрҙең «Аҡ Торна» Халыҡ-ара конкурсына йомғаҡ яһаласаҡ.

Мордовия башҡалаһында Бөтә Рәсәй «Сияжар» анимация киноһы фестивале үтте. Унда Башҡортостан киностудияһы «Һунарсы улы» проектын тәҡдим итте

Афғанстан һәм Чечня һуғыштарын үткән ветерандар Өфөлә үҙенсәлекле концерт ойоштора. «Хәрби-патриотик автор йырҙары» фестивале тәүге тапҡыр уҙғарыла.

24 ноябрҙә Мәскәүҙә Рәсәй Президенты эштәре идаралығында илдең иң яҡшы йөҙ предприятиеһын наградлау тантанаһы үтәсәк. «Иң яҡшы мәҙәниәт һәм ял ойошмаһы» номинацияһында Өфөнөң «Нефтсе» мәҙәниәт һарайы ла бар.

Ошо көндәрҙә «Нефтсе» мәҙәниәт һарайында «Башҡортостан» телерадиокомпанияһының «Юлдаш» мәғлүмәт һәм йыр-моң каналы ойошторған «Юлдаш» йыры-2011» республика асыҡ конкурсы гала-концерты үтте.

Йомабай Иҫәнбаев исемендәге призға республика ҡурайсылар конкурсы Гран-прийын Сибайҙан Нурғәли Кәйекбирҙин яуланы. «Башинформ» агентлығы алдан хәбәр итеүенсә, ижади бәйге Хәйбулла районында үткәрелде.

Октябрьскийҙағы Ҡала мәҙәниәт һарайының «Фортуна» бейеү коллективы Мәскәүҙә үткән «Юность» халыҡ-ара балалар һәм үҫмерҙәр ижады фестивалендә ҡатнашты.