Фәйзи Ғәскәров исемендәге дәүләт академия халыҡ бейеүҙәре ансамбленең Бразилияла гастролдәре башланды. Артистар Рибейран-Прету ҡалаһында сығыш яһаны. Концерттҡа билеттар алдан һатылып бөткән, тамашаны урындағы телевидение төшөрөп алған, тип хәбәр итәләр ансамблдән. Ун көн дауамында бейеүселәр 9 ҡалала сығыш яһарға тейеш: Рибейран-Прету, Сантос, Кампинас, Уберландия, Гояния, Витория, Рио-де-Жанейро, Ново-Хамбурго һәм Порту-Алегри ҡалалары буйлап.

Ғәскәровсылар Бразилияла Ғәскәровтың алтын фондынан башҡорт һәм Рәсәй халыҡтары бейеүҙәре ингән концерт программаһы менән Башҡортостан исеменән сығыш яһай.