Республикала “Башҡортостан тарихы биттәре” тигән республика фестиваль-марафоны дауам итә. 22 майҙа Хөсәйен Әхмәтов исемендәге Башҡорт дәүләт филармонияһында Башҡортостан Республикаһы ойошторолоуға 100 йыл тулыуға арналған "Башҡортостан тарихи биттәре" муниципаль берәмектәр араһында халыҡ ижады фестиваль-марафон сиктәрендә Бәләбәй районы сығыш яһаны.
Бәләбәй районында тыуып үҫкән, тамырҙары ошо районға барып тоташҡан һәр милләт вәкилдәрен осрашыуға килгәйне.
Башҡорт дәүләт филармонияһы сәхнәһендә райондың иң яҡшы ижади коллективтары сығыш яһаны, фойела милли ризыҡтар һәм сувенирҙар, сәнәғәт ойошмалары тауарҙары күргәҙмәһе, Бәләбәйҙең данлы үткәне һәм бөгөнгөһөнә арналған экспозиция урын алғайны.
26 майҙа “Башҡортостан тарихы биттәре” республика фестиваль-марафоны сиктәрендә Балаҡатай районы презентацияланаҡ, сараға рәхим итегеҙ, башлана 19.00 сәғәттә, инеү бушлай.