Баш ҡалала "Азия моңдары" фестивале икенсе тапҡыр уҙғарыла, сараны ойоштороусылар: Башҡортостандың мәҙәниәт министрлығы, Халыҡтар дуҫлығы йорто.
Тамашала тажик, ҡаҙаҡ, ҡырғыҙ, төркмән, үзбәк йырсылары, бейеүселәрҙең милли-мәҙәни байлыҡтары менән танышыу мөмкинселеге булды.
Азия халыҡтарының ижад емештәре моңлолоғо, дәртлеге менән айырылып тора. Ойоштороусылар әйтеүенсә, Башҡортостан күп милләтле төбәк һәм республикала йшәгән халыҡтарҙың һәммәһенә лә үҙ мәҙәниәтен үҫтереү, күрһәтеү өсөн мөмкинлектәр бар. Фестиваль иһә уларҙы дуҫлаштырыу, берләштереү майҙаны.