Зәйнәб Биишеваның тыуыуына 110 йыл тулыу уңайынан музей асылыуы көтөлә.

Музей яҙыусы оҙаҡ йылдар йәшәгән фатирҙа уның улы ғалим-химик Тельман Әминевтың башланғысы менән булдырылған. Бында көнкүреш әйберҙәре, китапхана шул килеш һаҡланған, Зәйнәб Биишеваның китаптары, ҡулъяҙмалары, портреттары, наградалары, бик күп документтары һәм фотоальбомдар тупланған.

 Экспозицияларҙан тыш, музейҙа яҙыусының тормошо һәм ижады тураһында электрон материалдар менән танышырға мөмкин.

Музейҙың рәсми сайтын булдырылаасаҡ, теләгән һәр кем ситтән тороп унда тупланған материалдар менән таныша аласаҡ.