14 майҙа, Башҡорт дәүләт филармонияһында XIX «Джаз иленә сәйәхәт» асыҡ төбәк балалар һәм үҫмерҙәр фестиваль-конкурсы барышында туғыҙ коллектив ҡатнашлығында Оркестрҙар парады үтәсәк.
Сарала Х. Әхмәтов исемендәге Башҡорт дәүләт филармонияһының тынлы оркестры, Заһир Исмәғилев исемендәге Өфө дәүләт сәнғәт институтының «Йәшлек» тынлы оркестры, Ғәзиз Әлмөхәмәтов исемендәге республика гимназия-интернатының «Урал фанфаралары» өлгөлө тынлы оркестры, Өфө сәнғәт училищеһы биг-бенды, Өфө сәнғәт училищеһының тынлы оркестры, «Freedom» биг-бенды, Ғ.Әлмөхәмәтов исемендәге республика гимназия-интернаты биг-бенды, Мораҡ балалар музыка мәктәбе оркестры һәм Бөрө ҡалаһынан Диксиленд ҡатнашасаҡ.