Башҡортостанда күрше төбәктәрҙә йәшәгән милләттәштәр көндәрен үткәреү матур йолаға әүерелде. Өфөлә Татарстан башҡорттары көндәре уҙҙы. Төрлө осрашыуҙар, музейҙар, мәҙәниәт ойошмалары, уҡыу йорттары һәм ҡаланың билдәле урындары буйлап экскурсия, башҡа саралар үтте.

Кисә-23 апрелдә,  Республика Милли музейында ил төбәктәрендә йәшәгән башҡорттар көнкүреше темаһына түңәрәк өҫтәл ойошторолдо. Шулай уҡ Мәжит Ғафури исемендәге Башҡорт дәүләт академия драма театрында Татарстан башҡорттары сәнғәт оҫталары концерты ла уҙғарылды.