Өфөлә "Башҡортостан рустары соборы" менән "Мәҙәни мираҫты һаҡлау һәм үҫтереү" йәмәғәт ойошмаһының Борис Кустодиевтың картиналарынан торған берлектәге күргәҙмәһе асылды.
Экспозиция рәссамдың тыуыуына 140 йыл тулыуға арналған.
Борис Кустодиевтың эштәре һәр кемгә яҡшы таныш. Ижады тотош донъя кимәлендә билдәле. Картиналарында ул башлыса Рәсәй сауҙагәрҙәрен төшөргән. Уларҙы рәссам төрлө яҡлап һүрәтләгән. Күргәҙмә менән "Башҡортостан рустары Соборы" күргәҙмә залында танышырға мөмкин.