1 октябрҙә Өфөлә Мордовия республика дәүләт ҡурсаҡ театры гастролдәре башланды. Балалар "Юлбаҫар төлкө" әкиәтен, 4 октябргә тиклем тағы ике әҫәр ҡарай аласаҡ.
Мордовия театры беҙҙең республикала алмаш гастролдә. Сентябрҙә Башҡорт дәүләт ҡурсаҡ театры Саранск ҡалаһында булып ҡайтты. Алмаш гастролдәр федераль программа буйынса финанслана. "Кескәйҙәр һәм йәштәр өсөн ҙур гастролдәр" проекты алыҫ араларҙы яҡынайтырға ярҙам итә. Үҙ-ара тәжрибә уртаҡлашыу һәм кескәй тамашасыла зауыҡ тәрбиәләү йәһәтенән программа киң мөмкинлектәр аса.