Өфөлә «Инфорум» журналистар форумы уҙҙы. Республиканың барлыҡ район һәм ҡалаларынан журналистар йыйылды.

«Журналистика бер ҡасан да урынында тормай. Һәр ваҡыт үҫешә торған тармаҡ, шуға күрә көндәлек тормошта ниндәйҙер яңылыҡтар тураһында белмәй ҡалабыҙ. Ошо сәбәпле беҙ төбәктәр буйлап ҙур форумдар ойошторабыҙ, уҡытыуҙар үткәрәбеҙ», – журналистарҙы Рәсәй Журналистар союзы рәйесе Владимир Соловьев сәләмләне. 

Сараның төп спикерҙары – «Башинформ»дың директорҙар советы рәйесе Ростислав Мырҙағолов, Матбуғат һәм киң мәғлүмәт саралары буйынса агентлыҡ етәксеһе Борис Мелкоедов, Башҡортостан журналистар союзы рәйесе Артур Дәүләтбәков, «Комсомольская правда»  холдингы советнигы Илья Лочканов.