25 апрелдә «Башҡортостан» дәүләт концерт залында I Халыҡ-ара музыка фестивале сиктәрендә Илдар Абдразаҡовтың хәйриә концерты уҙҙы.
Сарала абруйлы ҡунаҡтар менән бер рәттән, сәйәси-йәмәғәт эшмәкәрҙәре, Өфөнөң мәҙәни йәмәғәтселеге, Илдар Абдразаҡовтың дуҫтары һәм яҡындары һәм опера сәнғәтен үҙ итеүселәр йыйылғайны.
Концертты ойоштороусы- «Мәрхәмәт» хәйриә мәғариф фонды. Һатылған билеттар фонд программаларын ғәмәлгә ашырыуға тапшырыласаҡ, ти ойоштороусылар.
I Халыҡ-ара музыка фестивале сиктәрендә уҙғарылған концертта Илдар Абдразаҡов, Мариин театры солисы Сергей Скороходов һәм Башҡорт опера һәм балет театры солистары Диляра Иҙрисова, Лариса Әхмәтова, Иҙел Аралбаев һәм Владимир Копытов сығыш яһаны.