Бөгөн Өфө ҡалаһында беренсе Өфө губернаторы Григорий Сергеевич Аксаковтың тыуыуына 200 йыл тулыуға арналған ХХХ Халыҡ-ара Аксаков байрамы үтте.

Иртәнсәк Башҡорт дәүләт опера һәм балет театры янындағы Пушкин аллеяһында урынлашҡан Сергей Тимофеевич Аксаков һәйкәленә сәскәләр һалыу тантанаһы үтте. Аксаковтың мемориаль йорт-музейында “Григорий Аксаков – өс Рәсәй губерниялары губернаторы” исемле төбәк-ара күргәҙмә асылды. Ошонда уҡ “Аксаков һунар тураһында. Әүәҫ һунарсының хәтирәләре һәм күҙәтеүҙәре” исемле китаптың исем туйы булды.

Шулай уҡ музейҙа Рәсәй рәссамдарының эштәренән торған “Рәсәйҙә Аксаков урындары” һәм шағир Федор Тютчевтың ҡыҙы һәм Сергей Тимофеевичтың улы Ивандың ҡатынына бағышланған “Анна Тютчева-Аксакованың “һуғышы һәм тыныслығы” исемле күргәҙмәләр эшләй.