21 июндә Өфөләге «Ватан» этно-паркында «Байыҡ» республика телевизион башҡорт балалар бейеү конкурсының гала-концерты үтә. Бәйгелә 3 йәштән  алып 15 йәшкәсә башҡарыусылар ҡатнаша.

 Гала-концертта  «Байык»тың төрлө йылдарҙағы еңеүселәре, Татарстандың, Ҡырғыҙстандың, Осетияның, Чечен Республикаһының, Әстерхандың, Мәскәүҙең иң яҡшы коллективтары сығыш яһаясаҡ.

Бәйгенең маҡсаты – башҡорт халыҡ бейеүен пропагандалау һәм һаҡлап ҡалыу, балалар араһында хореография сәнғәте ҡаҙаныштарын популярлаштырыу һәм таратыу.

Фестивалде ойоштороусылар – Башҡортостан Республикаһы Мәҙәниәт министрлығы, Өфө хакимиәте, «Башҡортостан» ТРК ДУП-һы.