Ҡаҙағстандың Нурсолтан ҡалаһында үткән AMEN Animation film festival Халыҡ-ара анимация фильмдары фестивалендә Ә.Абдразаҡов исемендәге “Башҡортостан” киностудияһы режиссеры Рим Шәрәфетдинов “Иң яҡшы режиссер эше” призын яуланы. Был бүләк уға “Рәссам ҡағиҙәләре” исемле фильмы өсөн тапшырылды.

Рим Шәрәфетиднов – режиссер, сценарист, ҡуйыусы рәссам, аниматор. РФ кинематографистар союзы ағзаһы, РФ почетлы кинематографисты, БР атҡаҙанған мәҙәниәт эшмәкәре, “Икар” милли анимация премияһы лауреаты.

Уның фильмдары күптән инде тамашасылар һөйөүен яулап алған, күп төрлө фестивалдәрҙә билдәләнеп үткән.