БР мәҙәниәт министры Әминә Шафиҡова «Теләктәр шыршыһы» акцияһы сиктәрендә ике баланың яңы йыл теләктәрен тормошҡа ашырҙы.
Благовещенск ҡалаһынан 4 йәшлек Артем бүләккә - музыкаль уйынсыҡ, ә Өфө ҡалаһынан 7 йәшлек Мария ҙур уйынсыҡ һораған.
Министр уларға Яңы йыл байрамы алдынан килеп, хыялдарын тормошҡа ашырырға ярҙам итте. Байрам кәйефен арттырып, Ҡыш бабай менән Ҡарһылыу ҙа балаларға килде, бергәләп йырлап-бейеп күңел астылар.
«Теләктәр шыршыһы» Бөтә Рәсәй акцияһының маҡсаты – етем, аҙ тәьмин ителгән ғаиләләрҙә тәрбиәләнгән балаларҙың һәм һаулығына хәүеф янаған өлкән йәштәгеләрҙең яңы йыл хыялдарын тормошҡа ашырыу. Ғаризалар 16 ноябрҙән 15 декабргә тиклем ҡабул ителгән. Башҡортостандан акцияның сайтына 500 -ҙән ашыу ғариза килгән. Уларҙы 28 февралгә хәтлем бойомға ашырылырға тейеш.