Ҡурған өлкәһенең Әлмән районында Урал һәм көнбайыш Себер башҡорттары темаһына арналған түңәрәк өҫтәл үтте. Фекер алышыуҙы Бөтә донъя һәм Ҡурған өлкәһе башҡорттары ҡоролтайы, өлкә хакимиәте ойошторҙо.
Унда ике төбәктең тарихсылары, фольклор белгестәре сығыш яһаны. Түңәрәк өҫтәлдә Башҡортостандың 100 йыллығына «Быуаттар киҫелешендә: башҡорттар Рәсәй өсөн һынылышлы мәлдәрҙә» тигән тема күтәрелде. Шулай уҡ, Башҡортостандан, Тобольск, Астрахандән ғалимдар ҡатнашты.