Ҡурған өлкәһендә «Һылыуҡай-2020» Бөтә Рәсәй башҡорт һылыуҙары конкурсының һайлап алыу туры үтте. Сафакүлдәге кастингта Ҡурған өлкәһенең төрлө райондарынан башҡорт ҡыҙҙары ҡатнашты.

Конкурста Сафакүл ауылынан Регина Яҡупова еңеп сыҡты. Беренсе урынды —  Субботино ауылынан Диана Ишкилдина, икенсе урынды Сафакүлдән Юлиә Камалова алды, өсөнсөлә иһә Юлиә Кинйәбулатова (Сафакүл ауылы).  

Конкурстың финалына сыҡҡан ҡыҙҙар өсөн хореография, вокал, актер оҫталығы, подиум хореографияһы, визаж буйынса белгестәр менән дәрестәр ойошторола, костюм һайлауҙа ярҙам күрһәтелә.  

Финал 3 декабрҙә «Башҡортостан» дәүләт концерт залында була, унда иң сибәр һәм һәләтле ҡыҙҙар төп башҡорт һылыуҡайы исеме өсөн көрәшә. Еңеүсегә төп бүләк – автомобиль.