Мәғлүм булыуынса, республикабыҙҙа 2020 йылда VI Бөтә донъя Фольклориадаһы үтәсәк. Мәртәбәле сараның логотибын һәм символын эшләүгә конкурс иғлан ителде.
Логотип заманса, үҙенсәлекле булырға, Фольклориада идеологияһын сағылдырырға һәм үҙ символына эйә булырға тейеш, ти сараны ойоштороусылар.
Конкурста дизайн менән шөғөлләнеүсе һәр кем ҡатнашыу мөмкинлегенә эйә. Еңеүсе аҡсалата бүләк аласаҡ. Иң яҡшы логотип 2020 йылдағы Бөтә донъя Фольклориадаһы символы буласаҡ.
Ҡатнашыу өсөн эскизды Этот адрес электронной почты защищён от спам-ботов. У вас должен быть включен JavaScript для просмотра. электрон почтаһына, исем-шәрефеңде һәм телефон һандарын яҙып, йүнәлтергә кәрәк. Эштәр 27 сентябрҙән 27 октябргә тиклем ҡабул ителә.