Хөсәйен Әхмәтов исемендәге Башҡорт дәүләт филармонияһында БР атҡаҙанған артисы, виртуоз-ҡурайсы Рушан Биктимеровтың концерты уҙҙы. “Ғүмер ҡоралым-ҡурай” тип аталған тамаша артистың 45 йәшлек юбилейына һәм ижад эшмәкәрлегенең 25 йыллығына арналды. Рушан Биктимеров тамашасыларын башҡорт халыҡ көйҙәрен, композиторҙар әҫәрҙәрен, донъя шлягерҙарын уйнап һөйөндөрҙө. Зал туп-тулы тамашасылар Рушандың һәр бер сығышын көслө алҡыштар менән оҙатты.