"Урал батыр ере" берҙәм дәүләт тарихи һәм мәҙәни объекттар реестрына индерелде.Республика Мәҙәниәт министрлығының бойороғо менән ул төбәк статусын алды. Ошо уҡ документ объекттың сиктәрен һәм һаҡланырға тейешле урындарҙы билдәләй. Бөрйән районы Шүлгәнташ мәмерйәһе янындағы был биләмәнең дөйөм майҙаны 62 миллион ярым квадрат метрҙан ашыу. "Урал батыр ере"нә шулай уҡ Йылҡысыҡҡан күле, Бабсаҡ бей ҡурғаны, Морат-Туғай биләмәһе, башҡа археологик мираҫ ҡомартҡылары инә.