29 сентябрҙә Стәрлетамаҡ театр-концерт берләшмәһе XXVIII ижад миҙгелен асты. Ошо уңайҙан тамашасы иғтибарына ҙур концерт программаһы күрһәтелде. Владимир Турченко дирижерлығында рус халыҡ ҡоралдары оркестры сығышында билдәле классик көйҙәр, башҡорт һәм рус халыҡ йырҙары яңғыраны. Программа шулай уҡ дуэттар менән дә һоҡландырҙы. 
Быйылғы репертуар төрлө сараларға, юбилей кисәләренә бай булмаҡсы. Әйткәндәй, 3 октябрҙә Стәрлетамаҡ башҡорт драма театры ижад миҙгелен премьера менән аса. Ижади коллектив был юлы тамашасыларына Мөхәмәтша Буранғоловтың "Ашҡаҙар" әҫәрен тәҡдим итә.