27 мартта, Бөтә Рәсәй театр көнөндә, А.Мөбәрәков исемендәге Сибай дәүләт башкорт драма театры сәхнәһендә «Йәшлегем тирәктәре» спектакленең премьераһы уҙҙы. Ҡыҙғанысҡа ҡаршы, премьера тамашасыһыҙ үтте, әммә тамашасылар онлайн-трансляцияһын ҡаранылар.

Драманы ҡуйыусы-режиссер Вадим Ғилманов, рәссам Айнур Юнысбаев, композитор, Башҡортостан Республикаһының атҡаҙанған сәнғәт эшмә-кәре һәм Шәйехзада Бабич исемендәге йәштәр дәүләт премияһы лауреаты Урал Иҙелбаев сәхнәгә сығарҙы.

«Драманың авторы Кәбир Аҡбашев бөгөнгө көндә иҫән булһа, был сәхнә әҫәренә бик ныҡ шатланыр ине. Шуныһы ҡыуаныслы – тура эфирҙа уның балалары ла ҡатнашты. Интернет селтәрҙәре алыҫ араларҙы яҡынайта шул... Аяныслы йылдарҙы һүрәтләгән тамашаны күҙ йәше түкмәйенсә ҡарап булмай... Һуғыш ваҡытындағы афәтте, ғәрәсәтте йәш быуынға еткереү маҡсаты менән һөйләгән Ҡотлозаман бабайҙың хәтирәләре (йәш сағы – артист Айбулат Ғүмәров, оло сағы – Башҡ. халыҡ артисы Риф Сәйфуллин тауышы), һис шикһеҙ, бер кемде лә битараф ҡалдырмайҙыр ул», - тинеләр театрҙа.

Әйткәндәй, был спектакль Бөйөк Ватан һуғышында Еңеүгә 75 йыллына бағышлана.

Сығанаҡ: https://kulturarb.ru/ru/news/sibajskij-gosbashdramteatr-im-amubaryakova-predstavil-zritelyam-premeru-spektaklya-v-rezhime-onlajn