Күптән түгел Шаран районының Йәрәмкә ауылында Сөмбөлә байрамы уҙғарылды. Республиканың социаль-мәҙәни үҙәктәрендә боронғо милли йолаларға нигеҙләнгән саралар йыш ойошторола. Йәрәмкә ауылында  Сөмбөләгә халыҡ таҡмаҡ әйтеп бейене, ижади коллективтар концерт ҡуйҙы. Ауыл халҡы үҙ баҡсаһында үҫтергән йәшелсә, емеш- еләктән, сәскәләрҙән күргәҙмә ойошторҙо.

Сөмбөлә - әбейҙәр сыуағы ваҡытында үткәрелә торған көҙгө бүайрам. Электән көҙ яҡынлашһа, уңыш байрамында күбеһенсә ир-егеттәр ҡатнашҡан. Улар ҡырға сығып, ҙур байрам ойошторған, ат сабыштары, көрәш ярышы уҙғарылған. Ҡорбан итеп йылҡы, һыйыр салғандар, ололарҙан фатиха алғандар.

Йәрәмкә социаль-мәҙәни үҙәге директоры Әлфирә Әхмәтова әйтеүенсә, күргәҙмәне ойоштороуҙа барлыҡ ауыл халҡы ҡатнашҡан, мул уңыш емештәре, күҙ яуын алырҙай сәскәләр килтерелде, ти.