Театр сәнғәте өлкәһендә өс тиҫтәнән ашыу вәкил – Рәсәйҙең Театр эшмәкәрҙәре союзы дөйөм Рәсәй йәмәғәт ойошмаһынан йәш мәҙәниәт һәм сәнғәт эшмәкәрҙәренә хөкүмәт стипендияһы лауреаттары иғлан ителде. Был исемлектә Башҡортостандың ике вәкиле бар.
Ай һайын федераль ҡаҙнанан 20 000 һум күләмендә стипендия алыусылар иҫәбендә – быйыл Мостай Кәримдең «Ташлама утты, Прометей!» трагедияһы буйынса «Прометей» спектаклен сәхнәгә ҡуйған Мәжит Ғафури исемендәге Башҡорт академия драма театры режиссеры Илсур Ҡаҙаҡбаев һәм Башҡорт дәүләт ҡурсаҡ театры рәссамы Илнур Слявчин.