26 сентябрҙә Октябрьский ҡалаһында «Уйна, гармун!» халыҡ байрамы ойошторолдо. Башта ҡатнашыусылар Октябрьский ҡалаһының Милли мәҙәниәттәр үҙәге менән танышты, шунан  «Дуҫлыҡ» паркында ағас ултырттылар. Сәғәт 2-лә гармунсыларҙың тантаналы йөрөшө башланды.

«Нефтсе» ҡала мәҙәниәт һәм ял паркында гармунсыларҙың «Күңел ас, гармун!» асыҡ фестивале, фольклор ансамблдәренең «Баҡыр ҡыңғырау» фестивале, халыҡ кәсептәре оҫталарының күргәҙмә-йәрминкәһе, оҫталыҡ дәрестәре, милли уйындар һәм ярыштар, интерактив күңел асыу программалары булды. Программа гармунсыларҙың ҙур концерты менән тамамланды.

Байрамды ойоштороусылар – Башҡортостан Республикаһы татарҙарының милли-мәҙәни автономияһы, Октябрьский ҡалаһы хакимиәте, Октябрьский ҡалаһы мәҙәниәт йорто. Проектҡа Президент гранттары фонды булышлыҡ күрһәтә.