Батырҙарын илем онотмаҫ

Батырҙарын илем онотмаҫ

Ошо көндәрҙә республиканың Хәрби Дан музейында Ватан геройҙары көнө уңайынан “Рәсәй геройҙары. Беҙҙең заман геройҙары” исемле китаптың исем туйы үтте. Бер юлы шул ҡәҙәре хәр­биҙе, атап әйткәндә, офи­церҙарҙы күрермен тип уйламағайным. Араларында кем генә юҡ – Рәсәй Феде­рацияһы Геройҙары – генерал-майор Риф Сәхәбет­динов, полковник Владимир Алимов, полковник Рафиҡ Ихсанов, майор Венер Мөхәмәт­гәрәев, шулай уҡ Федераль именлек хеҙмәте генерал-майоры Рауил Кирәев, Үҙәк хәрби округының генерал-майоры Владимир Трофимов һәм башҡалар. Уларға ал­машҡа үҫеп килгән курсанттар ҙа саранан ситтә ҡалмаған, араларында хатта ҡыҙҙар ҙа күренә. Әйткәндәй, китап туйына һәләк булғандан һуң Рәсәй Геройы исеме бирелгән яҡташтарыбыҙ Артур Ҡорбанғәлиевтең әсәһе Зөлфиә Ҡорбанғәлиева менән Фәрүәт Яҡуповтың туғаны Фәрзәнә Ғибәҙуллина ла саҡырылған. Китап иһә Президентыбыҙ Владимир Путиндың “Илдең батырҙары булырға тейеш һәм кешеләр уларҙы иҫләргә бурыслы” тигән һүҙҙәре менән асыла. Артабан Башҡортостандан сыҡҡан геройҙарҙың исемлеге бирелгән, батырҙарса һәләк булған һәм әлеге мәлдә иҫән-һау йәшәп ятҡан Герой-яҡташтарыбыҙ тураһында һүҙ әйтелгән. Китапты Башҡортостандың Диңгеҙселәр йыйыны рәсми йәмәғәт ойошмаһы сығарған. Ул бушлай таратыласаҡ. Сығанаҡ: “Башҡортостан” гәзите, Денис Ғилманов

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb