Күптән түгел Өфө ҡалаһының "Облака" заманса сәнғәт үҙәгендә "Ренессанс - даһиҙар дәүере" тип исемләнгән мультимедиялы күргәҙмә асылды.
Видеояҙмала тиҫтәнән ашыу билдәле рәссамдарҙың: Рафаэль, Микеланджело, Тициан, Леонардо да Винчи аҫыл картиналары менән танышып була.
Күргәҙмәнең заманса технологиялар ҡулланып ойошторолоуын баш ҡала халҡы юғары баһаланы.
Фильмда Яңырыу дәүере оҫталарының мираҫы, рәсем сәнғәте үҫеше хаҡында һүҙ бара. Сағыу картина 15се - 19-сы быуаттарҙа билдәле композиторҙар тарафынан яҙылған классик музыка менән байытылған.