Кисә, «Родина» кинотеатрында кескәй балалар һәм уларҙың ата-әсәләр өсөн яңы башҡорт проект тәҡдим ителде – BALALAR башҡорт йәнһүрәтен презентацияһы үтте. Проект республика башлығы грантына ғәмәлгә ашырыла.

«Был башҡорт йәнһүрәтендә без Айыу, Төлкө, Бесәй һәм Бүре менән бергә төҫтәрҙе һәм йыл миҙгелдәрен өйрәнәбеҙ», – тинеләр ойошороуысылар.

Премьера уңайынан кинотеатр холында Урал батыр һәм Айһылыу ҡатнашлығында мауыҡтырғыс уйындар, бейеүҙәр, шулай уҡ һабын ҡыуыҡтары шоуы, аквагрим менән балалар байрамы ойошторолдо. Һәр бала бүләккә йәнһүрәт геройҙары менән йәбештергестәр һәм шарҙар алды.

Проект инициаторҙары һәм етәкселәре — Рузилә һәм Илдар Кинйәбулатовтар; проекттың pr-менеджеры Фатима Янбаева; йәнһүрәттең төп геройҙарын тауышландырған балалар: Бесәй — Азалия Ҡоләхмәтова, Төлкө — Йәмилә Хисаметдинова, Бүре — Искәндәр Мөхәмәтйәнов, Айыу — Илназар Әхмәтйәнов.

Ижади төркөмдөң башҡа ағзалары премьераны социаль селтәрҙәрҙең тура эфирында ҡараны: Гөлдәр Ишҡыуатова — йырҙар авторы, Марат Фәйзуллин Татурас — тауыш режиссеры, Эльвира Ғәлимуллина — рәссам, Сергей Дудин — аниматор, Раил Сәлимов — менеджер, Әлфир Илбаҡтин — башҡарыусы.

Тулы мәғлүмәт:  https://kulturarb.ru/ru/news/novaya-stranica-v-istorii-bashkirskoj-multiplikacii-v-ufe-prezentovali-proekt-balalar-2