Иртәгә, 15 ғинуарҙа, Мәжит Ғафури исемендәге Башҡорт академия драма театрының «Ҡоҙаса» спектакле сәхнәлә 150-се тапҡыр уйналасаҡ.
Драматург Б.Бикбай һәм композитор З.Исмәғилев ижад иткән музыкаль әҫәр драма театрҙарында ла уңышлы бара. Геройҙарҙың дәртле уйын-йырҙары, оркестр, хор, халыҡсан юмор тормош хаҡында гүзәл йырға тиң, үлемһеҙ «Ҡоҙаса»ға тағы ла мәртәбә өҫтәй, бәҫен арттыра. Халҡыбыҙҙың музыкаль әҫәрҙәре араһында иң данлыҡлы, халыҡсан һәм популяр әҫәрҙе – «Ҡоҙаса» музыкаль комедияһын режиссер А.Абушахманов сәхнәләштергән.
Спектакль Башҡорт дәүләт опера һәм балет театрының Бәләкәй сәхнәһендә уйнала, башлана 19:00 сәғәттә.