11-19 сентябрҙә Чечен Республикаһының Грозный ҡалаһында Бөтә Рәсәй «Федерация» милли театрҙар фестивале уҙа.

«Федерация» фестивалендә Мәжит Ғафури исемендәге Башҡорт академия драма театры  — «Алтын битлек» Бөтә Рәсәй милли театр премияһына лайыҡ булған, һуңғы миҙгелдәрҙә иң күп тамашасылар йыйған «Зөләйха күҙҙәрен аса» (Г.Яхина, Я.Пулинович инсц.) спектакле менән ҡатнашасаҡ.

Башҡорт театры спектакле Грозный ҡалаһының М. Ю. Лермонтов исемендәге рус дәүләт драма театрының сәхнәһендә 15 сентябрь көнө күрһәтеләсәк.

Быйыл «Федерация» фестивале беренсе тапҡыр уҙғарыла һәм ул Рәсәй театр эшмәкәрҙәре Союзы тарафынан Театр йылына арнап ойошторола. Шулай уҡ фестивалдә Карелия, Татарстан, Хакас, Бүрәт һәм башҡа республикаларҙан ҡатнашасаҡтар.

Афиша: http://stdrf.ru/news/2313/