18 ноябрҙә М. Кәрим исемендәге Милли йәштәр театрында «Аҡ мөғжизә» спектакленең премьераһы була. Ул Мостай Кәримдең “Ғүмер миҙгелдәре” китабына ингән “Аҡ мөғжизә” һәм “Ашҡаҙар” хикәйәләре буйынса әҙерләнгән.

Инсценировка авторы – Михаил Башкиров, режиссеры – РФ, Ҡалмыҡстан һәм Әзербайджандың атҡаҙанған сәнғәт эшмәкәре Борис Манджиев, башҡорт теленә адаптация авторы – Зөһрә Бураҡаева. Спектакль өҫтөндә ҡуйыусы рәссам Анна Репина (Мәскәү),  композитор - Аркадий Манджиев (Элиста), балетмейстер – Рәмизә Мөхәмәтшина, костюмдар буйынса рәссам – Наталья Степанова, вокал буйынса педагог - Афарим Аҡсурин.

Спектакль “Берҙәм Рәсәй” партияһының “Кесе Ватан мәҙәниәте” федераль проекты буйынса ҡуйылды.