“Татар-информ” мәғлүмәт агенлығы хәбәр итеүенсә Истанбулда Халыҡ-ара төрки кино фестивале башланды. Фестивалдә Азербайжандан, Ҡаҙағстандан, Ҡырғыҙстандан, Төркиәнән, Төньяҡ Кипрҙан, Үзбәкстандан кинотаҫмалар тәҡдим ителгән. Рәсәйҙән Башҡортостан һәм Татарстан картиналары ҡатнаша.
Башҡортостандан «Етегән» фильмы төрки донъяһына күрһәтеләсәк.
Картинаның режиссеры — Айсыуаҡ Йомағолов, идея авторы, ҡуйыусы оператор һәм продюсер— Рияз Исхаҡов. Фильм ете ҡыҙ легендаһына һәм «Таштуғай», «Алпамыша», «Маһисәрүәр», «Бала ҡарға» кеүек халыҡ йырҙарына нигеҙләнеп төшөрөлгән.