Ағымдағы йылдың 7 июлендә Башҡортостандың Иглин районында йәйәнән уҡ атыу буйынса халыҡ-ара ярыш «Мәргән уҡсы» халыҡ-ара фестивале уҙасаҡ.
Ойоштороусылар хәбәр итеүенсә, ярышҡа республика һәм Рәсәй, шулай уҡ Германия, Төркиә, Ҡытай, Словакия, Ҡаҙағстан, Ҡырғыҙстан вәкилдәренең килеүе көтөлә.
Бәйгелә ҡатнашыусылар милли костюмдарҙа сығыш яһаясаҡ, мәргәнлектә ярышыуҙан тыш, уҡтан атыу һәм һыбай йөрөү буйынса оҫталыҡ дәрестәре, туристик маршруттар, һөнәрселәр йәрминкәһен ойоштороу ҡаралған. Бай көндөҙгө программаларҙан һуң сағыу киске шоу һәм концерт көтә.