Фәйзи Ғәскәров исемендәге дәүләт академия халыҡ бейеүҙәрен ансамбле 79-сы юбилей ижад миҙгелен аса. Тамашалар 20 һәм 21 сентябрҙә ансамблдең концерт залында уҙғарыла.
Күренекле балетмейстер, БАССР-ҙың атҡаҙанған мәҙәниәт хеҙмәткәре, Башҡортостан Республикаһының атҡаҙанған сәнғәт эшмәкәре, М. Ғафури исемендәге республика премияһы лауреаты Хашим Мостаевтың легендар бейеүҙәре тәҡдим ителәсәк:”Ирәндек”, «Азамат», «Ҡумыҙ менән бейеү», «Сәскә атыусы ҡурай», «Беләҙектәр сыңы», «Француз яулығы», «Бөрйән ҡыҙҙары», шулай уҡ донъя халыҡтары бейеүҙәре.
Фәйзи Ғәскәров исемендәге дәүләт халыҡ бейеүҙәре ансамбле концерттары күренекле балетмейстер Хашим Мостаевтың 100 йыллығы сиктәрендә уҙғарыла. Шулай уҡ республикабыҙ буйлап гастролдәр ҙә планлаштырылған.