Башҡортостан Республикаһының Милли симфоник оркестры 8 июндә open air форматындағы Симфоник төн сараһы менән фестивалде аса. Ойоштороусылар хәбәр итеүенсә, программала П.И. Чайковскийҙың «Щелкунчик» балетынан сюита, Рәсәй һәм сит ил композиторҙарының операларынан ариялар яңғыраясаҡ.
Симфоник төн сараһына Башҡортостандың баш ҡалаһына Ҙур театр солисы, Төньяҡ Осетия-Алания Республикаһының халыҡ артисы, халыҡ-ара конкурстары лауреаты, «Алтын битлек» һәм «Алтын софита», шулай уҡ сәнғәт өлкәһендәге ҡаҙаныштары өсөн Чехияның «EURO Pragensis Ars» милли премияһын яулаусы Вероника Джиоева килеүе көтөлә.
Шулай уҡ концертта Таһир Сәйфуллин исемендәге дәүләт академия хор капеллаһы ҡатнашасаҡ.