Дияна Ишниязова “Йондоҙ” бөтә Рәсәй йыр конкурсының финалына сыҡты һәм хәҙер ул Башҡортостан исеменән финал этабында сығыш яһай.

«Йондоҙ» - тарихта Рәсәйҙең бөтә 89 төбәге вәкилдәре ҡатнашҡан тәүге музыкаль бәйге. Конкурс майҙансығында илдең төрлө төбәктәренән иң талантлы һәм сағыу башҡарыусылар йыйыла. Бөтә Рәсәй буйлап тамашасыларҙың тауыш биреүе һәм танылған эксперттарҙың музыка өлкәһендәге фекере көслө вокалистарҙы билдәләй.

«Йондоҙ» проектының төп маҡсаты - илебеҙҙең төрлө мөйөштәренән иң һәләтле һәм сағыу йырсыларҙы табыу һәм донъяға күрһәтеү, шул уҡ ваҡытта уның төрлө мөйөштәренең матурлығын һәм күп төрлөлөгөн сағылдырыу.

Башҡортостан йырсыһы Дияна Ишниязова әйтеүенсә, финалға етеү еңелдән булмаған. Тәүге этапта ул үҙенең иң яҡшы ун йырын ебәрә, унда Рәсәй һәм сит илдәрҙең заманса авторҙары ла, башҡорт халыҡ йырҙары ла бар ине.

Һайлап алыу турынан һуң йырсы "Звезда" телеканалы Роберт Рождественский шиғырына яҙған Раймон Паулстың “Любовь настала” йырын башҡарҙы.