Бөгөн, 7 июндә, “Урал моңо” халыҡ-ара фестивале башланды. Төрки йәштәрҙең музыкаль конкурсы быйыл Өфөлә һәм Ишембай районында уҙасаҡ.
“Урал моңо” халыҡ-ара фестивалендә Саха-Яҡут, Дағстан, Алтай, Мәскәү, Әстрәхән өлкәһе, шулай уҡ Төркиә, Ҡаҙағстан, Ҡырғыҙстандан башҡарыусыларҙың сығыш яһауы көтөлә.
Конкурс өс номинацияла үткәрелә. Яңғыҙ башҡарыусылар, вокал-инструменталь коллективтар һәм музыҡа ҡоралдарында уйнаусылар айырым билдәләнә. “Урал моңо” фестивале 1992 йылдан үткәрелә, 1995 йылдан ул халыҡ-ара статус алды.