Бөгөн Өфөлә, Рәсәй Ислам университетында, СССР-ҙың беренсе дипломаты Кәрим Хәкимовҡа мемориаль таҡтаташ асылды. Буласаҡ илсе 1910-1911 йылдарҙа ошонда (ХХ башында «Ғәлиә» мәҙрәсәһе) уҡыған. Ошо тураһында «Башинформ» мәғлүмәт агентлығы хәбәр итә.

Таҡтаташты асыу тантанаһына Юғары мөфтөй, Рәсәй мосолмандарының Үҙәк диниә назараты рәйесе Тәлғәт Тажетдин, Кәрим Хәкимовтың туғанының ейәнсәре Зарема Ғиндуллина һәм «Рәсәй — Ислам донъяһы» стратегик ҡараш төркөмөнөң V ултырышында ҡатнашыусылар килде.