Бөгөн Ҡариҙел районында "Журфест" фестивале ойошторола. Быйылғы фестивалдең темаһы "Телде, мәҙәниәтте, этносты һаҡлау йәһәтенән милли матбуғат" тип билдәләнгән.

Программала Рәсәйҙең төрлө төбәктәренән килгән белгестәр ҡатнашлығында түңәрәк өҫтәлдәр, эштә яңы формалар һәм ысулдар, милләт-ара мөнәсәбәттәр проблемаларын яҡтыртыу үҙенсәлектәре, этно-мәҙәни йүнәлештәге медиа-проекттарға ярҙам мәсьәләләре буйынса фекер алышыуҙар ҡаралған.