Бөгөн, 27 апрелдә Ғафури районының Сәйетбаба ауылында милли йола “Ҡарға бутҡаһы” байрамы уҙғарыла.
Оҙон ҡыш үтеп китеүгә, матур яҙ етеүгә, йылы яҡтан ҡоштар ҡайтыуына, тәбиғәт уяныуына һөйөнөп уҙғарылған сараны урындағы башҡорт тарихи-мәҙәни үҙәге, ауыл биләмәһенең йәмәғәт ойошмалары үткәрә.
"Ҡарға бутҡаһы"-халыҡ байрамы. Әммә унда ҡатын-ҡыҙҙар ғына ҡатнаша ала. Бешерем-төшөрөм, бәйгеләрҙә еңеүселәрҙе бүләкләү сығымдарын да бергәләп күтәрәләр. Ауыл буйлап бүләк, ярма, май, йомортҡа йыйыусыларҙы "алсабырҙар" тип йөрөтәләр.