Ошо көндәрҙә Башҡортостан Республикаһының Милли музейы ҙур тулҡынланыу менән уникаль ҡомартҡылар ҡабул итергә әҙерләнә. Тиҙҙән, тотош өс зал үҙенсәлекле эштәр менән тулыландырыласаҡ.
Музейға «Абрамцево» музей-ҡурсаулығынан халҡыбыҙҙың милли батыры, маяғы Салауат Юлаевты һынландырыусы Сосланбәк Дафа улы Тавасиевтың ижади эштәре килтерелә.
Күргәҙмәне музей хеҙмәткәрҙәре «Дан һәм батырлыҡ хаҡында. Сосланбәк Тавасиев», тип атаны.
Асыу ваҡыты: 26 ноябрь, 14.00 сәғәт.