9 декабрҙә Өфө ҡалаһының З.Вәлиди урамы, 2а адресы буйынса урынлашҡан "Ватан" этнопаркында Башҡортостан Республикаһының "Биҙәү-ҡулланма сәнғәт оҫталары берләшмәһе" төбәк йәмәғәт ойошмаһы оҫталарҙың ҡул эштәренең күргәҙмә-йәрминкәһен үткәрә.
Ойоштороусылар хәбәр итеүенсә, сарала милли биҙәүестәр, ағастан, тире һәм күндән, тимерҙән, балсыҡтан, кейеҙҙән һәм башҡа материалдарҙан эшләнгән әйберҙәр тәҡдим ителәсәк. Йәрминкә иртән сәғәт 10-да асыла.
Яңы йыл алды күргәҙмә-йәрминкәһенә рәхим итегеҙ!