Өфөлә беренсе "Китап байрамы" халыҡ-ара йәрминкәһе үтәсәк. Ул 26-28 майҙа баш ҡалалағы Совет майҙанында ойошторола. Унда китап сауҙаһы, төрлө осрашыуҙар, сығыштар, кино күрһәтеү буласаҡ.

Рәсәйҙән билдәле актерҙар һәм сәнғәт, әҙәбиәт эшмәкәрҙәре килеп, монологтар менән сығыш яһаясаҡ. Мәҫәлән, яҙыусы, психоаналитик Юлиә Хәкимова 27 майҙа көндөҙгө сәғәт 12-лә үҙенең китабы менән таныштырып, бәхетле ғаилә булып йәшәү серҙәрен асасаҡ.

Байрам көн дә иртәнән ҡараңғы төшкәнсе дауам итәсәк.