Ошо уңайҙан ғалимдың тыуған яғы Тәтешле районында иҫтәлекле саралар үтте. Уның тормош һәм ижад юлына арналған Иҫке Соҡор ауылындағы музейға һәм Үрге Тәтешлелә Ғәли Соҡорой исемен йөрөткән урамға мемориал таҡтаташ урынлаштырылды.
Тәтешле районы үҙәге сәхнәһендә ҡуйылған театрлаштырылған тамаша данлыҡлы яҡташтарының тормош юлына һәм ижадына бағышланды.
Ғәли Соҡоройҙоң тыуыуына 195 йыл тулыуға арналған саралар алдағы көндәрҙә лә дауам итәсәк. Республика мәктәптәрендә класс сәғәттәре, фәнни уҡыуҙар, түңәрәк өҫтәл ойошторолор тип көтөлә.