Һамар өлкәһендә «iВолга» Волга буйы федераль округы йәштәре форумы бара. Унда Башҡортостан делегацияһы әүҙем ҡатнаша. Республикабыҙ делегацияһы составында — 150 тирәһе ҡыҙ һәм егет, уларҙың күптәре форумда еңеү яуларға өлгөргән. «Этника» стилләштерелгән милли костюм коллекциялары конкурсында Ҡояш Хисаметдинова — беренсе, ә «Героик эпос» халыҡ сәсәндәре конкурсында Луиза Думайская «Урал батыр»ҙы һөйләп өсөнсө урын яулаған.