Башҡортостанда архитектура һәйкәлдәре дүртәүгә артты. Мәҙәни мираҫ объекттарын дәүләт һаҡлауы буйынса идаралыҡ ошоға бәйле бойороҡ сығарҙы. Исемлектә Өфөләге Аксаков урамында урынлашҡан Башҡорт дәүләт педагогия университеты ятаҡханаһы, Благовещендағы Земство дауаханаһы бинаһы, Бөрйән районы Иҫке Монасип ауылындағы мәсет һәм Асҡын районы Михайловка ауылындағы сиркәү күрһәтелгән.

Өфөлә 800-ҙән ашыу мәҙәни мираҫ объекттары иҫәпләнә. Уларға архитектура, ҡала төҙөлөшө, тарих, сәнғәт, археология һәйкәлдәре, иҫтәлекле урындар ҡарай. Шуларҙың 307-һе Рәсәйҙең берҙәм дәүләт реестрына индерелгән, ҡалғандары асыҡланған мәҙәни мираҫ объекттары булып һанала.

Архитектура һәйкәлдәре биналары мәҙәни мираҫ объекттары һанала һәм уларҙы емерергә йәки һүтеп ташларға ярамай.