Операның ҡуйыусы дирижеры К.С.Станиславский һәм Вл. И.Немирович-Данченко исемендәге Мәскәү музыка театрының баш дирижеры, Рәсәйҙең халыҡ артисы Феликс Коробов. Ҡуйыусы режиссер - Рәсәйҙең атҡаҙанған артисы Асҡар Абдразаҡов, ҡуйыусы рәссам - Башҡортостандың атҡаҙанған артисы Иван Складчиков. Хормейстер-ҡуйыусы - Башҡортостандың атҡаҙанған артисы Александр Алексеев, хореограф-ҡуйыусы - Рәсәй Федерацияһының атҡаҙанған сәнғәт эшмәкәре Ирина Филиппова, яҡтылыҡ буйынса рәссам - Рәсәй Федерацияһының атҡаҙанған мәҙәниәт хеҙмәткәре Ирина Вторникова.

Спектакль тамашасыларҙы боронғо Новгородҡа һәм Диңгеҙ батшаһы биләмәләренә күсерә. Былина бында әкиәт, реалистик персонаждар уйлап сығарылған персонаждар менән буталған.

Башоперала «Садко» спектаклен Ҙур һәм Мария театрҙарында СССР-ҙың халыҡ артисы Маргарита Дроздова ҡуйған «Подводное царство» балет акты айырып тора.

Мәскәү тамашасыһына ҙур премьера спектаклдәрен күрһәтеү Башҡорт опера һәм балет театры өсөн йолаға әүерелде. Рәсәйҙең Ҙур театрының Тарихи һәм Яңы сәхнәләрендә Фауст (2019), Аттила (2020), Дон Кихот (2021) һәм Vita Nuova (2022) опералары башҡарыла.