24 июлдә Бөтә донъя башҡорттары ҡоролтайы Башҡарма комитетының Башҡорт халҡының тарихы һәм үҫеш мәсьәләләре буйынса комиссия ултырышы үтте. 

Йыйылышта «Башҡортостан Республикаһы дәүләтселегенең барлыҡҡа килеүе һәм аяҡҡа баҫыуы: 100 шәхес», «Рәсәй төбәктәрендә башҡорт мәҙәниәте һәм мәғрифәте көндәре» кеүек проекттар тураһында һүҙ алып барылды. Комиссияның кураторы Азат Ярмуллин төньяҡ-көнбайыш райондарында йәшәүсе милләттәштәребеҙ менән эш алып барыу мәсьәләһен күтәрҙе. 

Ултырышта тыуған яҡты өйрәнеүселәр форумы кеүек саралар ойоштороу, Башҡортостан Республикаһының 100 йыллығына  арналған күргәҙмә материалдары әҙерләү хаҡында ла һүҙ барҙы.