12 сентябрҙә Башҡорт дәүләт ҡурсаҡ театры Театр төнөн уҙғара, сара киске сәғәт 6-ла башлана.

Театрҙан хәбәр итеүҙәренсә, Ҡурсаҡ театры тамашасылар өсөн ҙур ҡыҙыҡлы программа вәғәҙәләй.  Балаларҙы  мауыҡтырғыс мажаралар көтә.

Фойела ҡурсаҡтар күргәҙмәһе эшләйәсәк, уҙған быуаттың 30-сы йылдарында эшләнгән ҡурсаҡтарҙан беҙҙең көндәрҙә эшләнгән заманса театр постановкаларындағы ҡурсаҡтарға тиклем ҡурсаҡтар менән танышыу мөмкинселеге буласаҡ.  

Тамашасыларға «Ҡыҙ һәм килмешәк» һәм «Нильстың сәйәхәт йылъяҙмаһы» спектаклдәре тәҡдим ителәсәк.