Быйыл Хөсәйен Әхмәтов исемендәге Башҡорт дәүләт филармонияһы үҙенең 80 йәшлек юбилейын ҡаршы ала, 5 октябрҙә филармония солистары һәм коллективтары ҡатнашлығында ҡабатланмаҫ ҙур тамаша - «ФиларМОҢиЯ» исемле тамаша тәҡдим итә.
Байрамда республикабыҙҙың төп концерт ойошмаһының бар ижади составы ҡатнаша: талантлы, дәртле, амбициоз йәштәре һәм Башҡортостан эстрадаһында күптән инде үҙ урынын тапҡан, танылыу яулаған сәхнә йондоҙҙары. Юбилей «күстәнәстең» режиссеры – Башҡортостандың атҡаҙанған артисы Сулпан Асҡарова.
Әткәндәй, 80-се юбилей миҙгеле төрлө йүнәлештәге концерттарға, ҙур проекттарға, үҙенсәлекле премьераларға бай булмаҡсы. Бынан тыш филармония сәхнәһендә төрлө ил, ҡитғаларҙан билдәле, абруйлы музыканттар, артистар үҙ концерттарын тәҡдим итәсәк.
Йырлы-бейеүле, уйынлы-көлкөлө тамашаға рәхим итегеҙ!